خمسه جنيه مخرومه
احنا الشعب الوحيد الى ممكن يخرم الخمسه جنيه ده مش بس كده ده ممكن كمان يقطعها من الفقر او الجشع والطمع
ايه يا عم الى انت بتقوله ده ؟؟ !!!
طب شوف الجديد
راكب الميكروباص وجاى الشغل ... معلش اصلى صحيت متاخر وجاى مواصلات
ام هند (المهم)
يلا يا جماعه نلم الاجره ... كله دفع تمام التمام
كنت انا قاعد فى اخر كنبه ورا ... والى جمبى هو الى بيلم من اخر كنبه .. اديته فلوسى والى جمبه ادالهه وهو حط خمسه جنيه ورق انا شوفتها بيعنى
المهم بعد اقل من 5 دقايق كانت الفلوس وصلت عند السواق
وشويه السواق نده بيقول يا جماعه الى ادانى الخمسه جنيه ديه يغيرها عشان مقطوعه
يا جماعه مين ادانى الخمسه جنيه ؟؟ !!! ............ محدش يرد
يا جماعه مين ادانى الخمسه جنيه ؟؟ !!! ............ محدش يرد
يا جماعه مين ادانى الخمسه جنيه ؟؟ !!! ............ محدش يرد
يا جماعه مين ادانى الخمسه جنيه ؟؟ !!! ............ محدش يرد
يا جماعه مين ادانى الخمسه جنيه ؟؟ !!! ............ محدش يرد
قولت اكرر انا الكلمه بصوت اعلى جايز الى جمبى يحس
يا جماعه مين الى دفع الخمسه جنيه ؟؟ !!!
الراجل اخيرا رد ... بس بصوت مسمعوش غير انا .... انا دافع خمسه جنيه
امسك يا جدع هو ده الى دفع الخمسه جنيه
بس انا مكنتش دافع خمسه جنيه مقطوعه !!!!!!!!!!!!!!!!!!!!!!!!!!!!!
طب خد بص كده اهه
ديه مش بتاعتى الخمسه جنيه ديه اتغيرت !!!!!!!!!!!!!
الراجل مكنش بيهزر فعلان كان مندهش جدا وبيقول الخمسه جنيه اتغيرت ... وقعد يسئل تانى مين يا جماعه بدل الخمسه جنيه ديه
وبرده بدون رد ... يعنى هو كان حد رد فى الاول لما هيرد فى التانى
المهم الراجل راح باعت عشرة جنيه بدل الخمسه وعمال يقول حسبى الله ونعم الوكيل توصل بينا الدرجه اننا نعمل كده ونفضل ساكتيين
وبرده ولا حد رد اكنه بيكلم نفسه
عرفتم ازاى احنا الشعب الوحيد الى ممكن يخرم الخمسه جنيه ده مش بس كده ده ممكن كمان يقطعها من الفقر او الجشع والطمع
ده كان الموضع بتاع ازاى الخمسه جنيه اتقطعت
طب وازاى ممكن الفقر او الجشع او الطمع يطيروا الخمسه جنيه
الى هقوله ده ممكن اهل العاشر يكونوا اشطر منى فيه عشان هما كل يوم بيشفوه
طبعا وانت نازل عند التالته بتروح تاخد تكسى عشان تيجى المصنع
تقوم تلاقى ايه وانت لسه خارج من الميكروباص ؟؟؟
صف طويل من العربيات الملاكى وفيهم بس 2 تاكسى
ايه ده مش ده مكان التاكسى برده ؟؟؟ طب ايه الى جاب الملاكى ؟؟؟ عشان كده انا لما بنزل بركب تاكسى مش ملاكى
واتكلمت مع السواق ... فقالى عارف الى ورا ده الى معاه الافيو ؟؟؟ ده مدرس فى مدرسة مبارك كول والى جمبه ده مدرس ازهرى
وبينزلوا يشتغلوا على عربياتهم كل يوم كده بجانب شغلهم العادى ده عشان بيقولو انهم مش لاقيين يكلوا
تعرف يا بشمهندس ده جايب العربيه ديه بالقسط ... ويقولك مزنوق
وممكن يعمل مجموعه او يدى دروس كمان
لكن احنا ملناش غير التاكسى وكمان مش سايبنا فى حالنا
تعرف يا بشمهندس .... انا برخص كل سنه 1150 جنيه عشان انا تاكسى اما هو 150 جنيه فى السنه
ده غير انه بينزل بيها مصر محدش بيكلمه غير التاكسى الى بيبئا العين عليه ... وكل ده برده مش عاجبهم
طب هو مدرس وليه دخل ثابت وممكن كمان يزوده بطرق كتيره ... المهم الحمد لله
عرفتم ليه اننا من الفقر او الجشع او الطمع نقطع الخمسه جنيه ومنخليش ليها قيمه وصدقنونى بعد اقل من سنه بالاسلوب ده الخمسه جنيه مش هتجيب حاجه فى البلد
نقى قلبك من الجشع والطمع ارجوك
ليست هناك تعليقات:
إرسال تعليق
اتمنى اشوف رئيك