ماما سوزان

القراءه للجميع (ماما سوزان)

كنت وانا صغير امى تسمع فى التلفزيون القراءه للجميع وان كله لازم يعلم ولاده القراءه

فكانت تقولى اقرا وتنزلنى المكتبه بالعافيه وتشتركلى فيها ... بس انا كنت بحب الرسم ومكنتش عاوز اقرا

وللئسف كانت امى صح

1-    نيوتن قعد تحت الشجر وقعت تفاحه ... اكتشف قانون الجاذبيه   (لو وقعت انت عليك التفاحه كنت هتكلها)

2-    جاليلو اكتشف ان الارض هيا الى بتلف حول الشمس مش العكس وحاكموه بسبب كده وخلوه يقول ان ده محصلش ... بس هيا فعلان الى بتلف (والله لو عملت قرد ما كنت هتعرف انها هيا الى بتلف)

3-    اينشتين كان تلميذ فاشل فى المدرس واكتشف اهم نظريه حيرة العلماء سنيين ولسه كمان هتحيرهم سنيين (النسبيه) (نسبيه ايه وبتاع ايه)

وبور الى سقطوه فى امتحان الفيزياء عشان جاوب صح اجابه غير متوقعه مش الاجابه التقليديه (احفظ ودش الى فى الكتاب)

......

......

......

وغيرهم

حط نفسك مكان الناس دي وتخيل نفس الموقف حصل معاك بدون معرفه مسبقه للنتيجه الى انت عارفها دلوقتى ... ياترى كنت هتكتشف ده ؟ !

لا مكنتش هتكتشف حاجه !!!     زعلان ؟؟ !!    فى ناس ممكن تقول اه زعلان ياريت اكون ذى الناس ديه كده وليه لا

على فكره ذى ما قولت قبل كده اغلبهم كانوا فشله فى التعليم وهما صغيرين لغايه 12 سنه كده وبعد كده ظهرت الموهبه ازاى ؟؟؟

بالقراءه : قروا كتير وفى مجالات كتيره زودت معرفتهم وكبرت دماغهم وخلتهم عارفيين علوم كتيره ساعدة بعضيها (كل العلماء اهتموا بالقراءه من سن 13 – 14 سنه الى ما فوق)

التامل : فى وقت عندهم للتامل (وده شى مهم) كل العلماء اشتركوا فى موضوع التامل ده (عامل مشترك بينهم) وهو فعلان شى مهم وعباده على المسلميين (التامل فيما خلق الله) الى احنا اهملناها

التجربه والبحث : فى فرصه واوات للتجربه مش كلام نظرى وبس

ضيف اليهم (الموهبه و التفرد و مشيئه الله انه يكون هم المختار للعمل ده)

بس التلات حاجات الى ذكرتهم قبل كده دول حاجات ممكن تكتسبها وتنميها وهتفرق معاك اكيد

اهتموا بالقراءه والتعلم والتامل والتجربه وعلموا ده لولادكم جايز يطلع من بين المسلميين علماء كتير افضل من الغرب (الموضوع مش بس الدين .. المؤمن الى مش بيعرف يعوم هيغرق لو اترمى فى البحر وبدون اى مساعدات خارجيه والكافر الى بيعرف يعوم يمكن ميغرقش عشان اتعلم العوم)