كنت بقعد طول عمرى بفكر .. وانا راجع من الشغل كل يوم للقاهرة فى عز الشمس ... هو ليه ربنا خالق الصحرا ... اكيد فى سبب .. يا ترى بيخدوا منها معادن ؟؟؟ .... بيخدوا منها الرمل يتحول الى خلايا شمسية ؟؟؟ وليه الصحرا عندنا وفى الخليج كبيره اوى كده ؟؟؟
هل ديه ميزة ولا نكون ذى اوروبا كلها خضار ؟؟؟
قولت اكيد ليها استخدام احنا لسه منعرفوش او مش حاسسين بقيمته او لسه مظهرش
كنت بتفرج على نشايونال جيغرافى امبارح لقيت حلقة عن هنعمل ايه لو كوكب ضخم قرب على الارض وهيخبطها ؟؟؟ يا ترى نفجره بقنابل نوويه ؟؟؟ ياترى نفرح فيه بحفار الى ؟؟؟ .... كل ده هيخلف اجسام اصغر برده هتخبط الارض والضرر هيكون اكبر
عالم فى وكاله ناسا قال هنستخدم مرايات كبيره تعكس اشعة الشمس على النيزك او الكوكب ده تعلى فيه درجة الحرارة فتتغير سرعته بطريقة ما ... وجابلك ان ممكن عن طريق تركيز اشعة الشمس بالمرايا ممكن تسيح الفولاذ
على طول افتكر اعداديه لما كنا بنجيب عدسه ونحرق بيها الورق عن طريق تركيز الاشعه ... اينعم خدناها فى الفصل وجايز غيرنا مخدهاش اصلا ولا عرفنا نعمل بيها ايه بعد كده بس ادينا خدناها على الاقل
المهم
قولت حلو موضوع المرايات ده وعملت سرش وكانت النتيجة
استخدام المرايات فى الصحراء الواسعه لتوليد الكهرباء (طاقة نظيفة متجددة)
1- بيجيبوا المرايات بالمنظر ده او اكبر
2- بناء مجموعه من المرايات
حتى تصل الى الاف المرايات
تعمل كل مراه على تجميع اشعه الضوء وتركيزها على نقطه واحده
بعد تركيز الاشعه يتم تسليطها على الغلايه شبه الى موجوده فى محطاتنا المستخدمه حاليا
تغلى الميه ةتطلع بخار الى مربوط بالتربينه الى مربوطه بالمولد ... ذى طريقة التلوليد الى مستخدمه عندنا حاليا
شكرا يارب على نعمه الصحراء
ليست هناك تعليقات:
إرسال تعليق
اتمنى اشوف رئيك