اتفاقية نزع السيارات

الأمير عز الدين مؤسك

اكيد لما الامير عز الدين مؤسك نزل مصر وعمل حى الموسكى مكنش يعرف انه هيبئا بالمنظر ده هو وجميع الشوارع الى جمبه (عتبه – باب الشعريه – وسط البلد وعبد العزيز)

ولو طلع من التربه وشاف الى بيحصل فى المناطق ديه كان مات تانى بس مشلول

الواحد كان يشوف مسرحيه عادل امام شاهد مشفش حاجه والقاضى بيسئله انت رحت جنينه الحيوانات فى قد ايه يقوله مشى 10 دقاقيق بالاتوبيش نص ساعه

وفعلان عشان تروح من وسط البلد من سليمان باشا لحد الموسكى او باب الشعريه مشى يجى ربع ساعه وانت مستريح اما بالعربيه او مواصلات فلا تندهش يا عزيزى لتعرف انها ساعه وربع

امتى هنشوف المناطق ديه منزوعه العربيات

يعنى منطقه للتمشيه فقط ذى ما حصل فى باب النصر وباب الفتوح ... المنطقه ديه كانت زمان من 9 سنيين كده زحمه ومجارى وفظيعه متحبش تخش جواها اصلا

بعد ما منعوا العربيات وبئت منطقه مشى فقط وسياحه تعالى اتفرج الجمال الى جوه

امتى هنشوف العتبه ووسط البلد والموسكى وباب الشعريه منطقه من غير عربيات وتبا للمشى فقط ويبئا فى مواصالات رمزيه او قطار بسيط يلف المنطقه ديه عشان يوصل الناس وتتحوط بجراجات متعدده الطوابق فوق او تحت الارض

المهم

كان عندى مشوار كده فى العتبه عشان اصلح المروحه وحظى الاسود انى روحت بالعربيه

طبعا مش عاوز اقولك قد ايه الزحمه وقد ايه العربيه اتخبطت من الناس الى ماشيه والى بتنقل بضايع والى ماشى عكس الاتجاه وحاجه يعنى جميله خالص

قولت يا واد عادى شويه كده والزحمه تفك واروح بئا

والمفاجاءه ان الزحمه مش بتفك

الموضوع ده خلانى متحفز اكتر اشوف هيا واقفه من ايه

وفضلت صابر وحطيت اعصابى فى تلاجه عشان متنزرفزش على الناس الى ماشيه من الى بشوفه منهم

لغايه لما فعلان الزحمه فكت

اتارى ايه يا جميل ؟؟؟

فى ناس بتركن العربيات صف اول لالالالالا

صف تانى لالالالالالالا

صف تالت اه مستغرب ليه الشارع بيركنوا فيه لغايه صف تالت

وعليك ان تتخيل لما حد عاوز يخرج من الصف الاول ... طبعا لازم يوقف الشارع ويزق العربيه الى قدامه وافلام هنديه عشان العربيه تخرج وهو ده الى موقف الشارع اصلا

وكمان الركنه خمسه جنيه للساعه ولو عاجبك ده فى الشارع مش فى ستى ستارز

المهم

وعامليين كمان ايه جايبيين كام يافطه كده وكاتبيين عليها بالكوريكتور الابيض (محافضة القاهره - حى العتبه – ساحه انتظار بالاجره)

قال يعنى انا كده اتثبت

شويت عيال صيع بس ايه عامللين رباطيه حلوه والجدع يقرب منهم ومشاء الله علتى رزمه الورق الى فى قديهم تقولش مليونير

والى غاظنى اكتر انى لقيت كذا ظابط شرطه واقفيين جمبيهم عشان قال ايه يمشوا المرور

روحت موقف العربيه ونزلت وناديت الظابط

لو سمحت يا فندم ينفع الى بيحصل ده ساعه عشان امشى من العتبه لباب الشعريه ولو سمحت الى بيعملوه ده قانونى ولا لا انا عاوز اعرف

الظابط بكل خجل ووشه فى الارض لا مش قانونى ولو قانونى كان ادوهم بونات .. بس نعمل ايه منهم لله بتوع الحى هما الى سمحلهم بكده واحنا مش قادررين نعمل حاجه

رديت قولتله يعنى انت الظابط مش قادر تعمل حاجه بس بعون الله انا مواطن عادى هقدر اعمل حاجه

ربنا يقويكم

وركبت تانى ومشيت

بس قررت ونويت والنيه لله انى هعمل اكتر من شوكى وهنشر الموضوع ده على قد ما اقدر وفى كل مكان لغايه لما الفساد الى فى الحى او عند الشرطه يموت او اشوف المنطقه ديه منزوعه العربيات او انا الى اموت

L