باركولى

باركولى بئيت انزل قدام البنزينه

اه بركولى ... صحيح للى مكنش يعرف كان احمد سعد بيكدرنى كل يوم ويمشينى محطه كامله لغاية رمسيس او غمره اصله مبيرضاش يقف فى النص ما بنهم عشان يخدنى اصل الفرامل كانت بتزعل لما يدوس عليها على الرغم من انى فى نفس الطريق

ام هند (المهم)

بعد العربية الجديده بئيت انزل واكرب من عند البنزينه

بنزينه كبيره على شارع رمسيس

امبارح وانا نازل مروح لقيت طابور على السولار يعنى هو مش طابور كبير اوى بس يجى كده 9 عربيات يزيدوا او ينقصوا شويه

المهم ... لقيت كده عامل قاعد على الرصيف بيشرب سيجاره تقريبا بيريح شويه من الشغل ... قولت يا واد خش عليه واتكلم معاه اسئله ايه اخبار السولار وايه الحكايه

سلام عليكم يا مدير ايه الاخبار ؟؟؟ يعنى انتم بينزلكم نفس حصتكم ولا اقل ولا ايه ؟؟؟

لا والله يا فندم ده كل يوم بينزلنا عربيتيين بيشغلوا ال 3 ورادى ... الا يام ديه بينزلنا اربع عربيات والمصيبه بيخلصوا بسرعه !!!!

قولتله العيب فينا احنا يا مدير ... احنا الى لما نحس بس او نظن ان فى ازمه نجرى ناخد زياده عن حاجتنا

يعنى الى متعود ياخد ب 20 جنيه بياخد ب 40 عشان يبئا مطمن وهيا ديه المشكله

قالى جايز والله كلامك صح

طب سلام ... سلام وخدت بعضى ومشيت اروح البيت

وانا فى الطريق اشوف ايه يا معلم ؟؟؟

سواقيين الميكروباصات وخصوصا الى شغاله على باب الشعريه والعتبه وكام ميبكروباص عادى

واقفيين بيفرغوا البنزيين الى خدوه فى جراكن

ولما سئلت الميكانيكى الى قدامهم قالى بيروحوا يقفوا فى الطابور تانى عشان يملوها

طبعا لو كنت قولت ليهم انتم بتعملوا ايه كان زمانى انا بيعبوا فيا البنزيين بدل الجيركن

وباركلولى انا بئيت انزل قدام البنزينه

الشاهد فى الموضوع : احنا السبب خوفنا وقلقلنا ونقص الايمان ونقص التعليم والثقافه ونقص احتياجات المعيشه هو الى عمل فينا كده ...

 السواق قلقان لميجبش الفلوس الى متعود عليها من غير الازمه ... فيطر انه يقف مره واتيين وميه عشان يجيب الفلوس عشان ياكل ويشرب ويحشش او حتى يسد القسط الى عليه

او يغلى سعر الاجره وده صعب عشان هما لسه مغلينيه فى الازمه الى فاتت

معلش منقدرش نلوم سواق الميكروباص (نقص التعليم والثقافه حاجه مهمه)

وموضوع الثقافه ده ليه كلام كبير