موقفين مع الميكروباص
النهاردة ملحقتش الاتوبيس فجيت مواصلات عشان كمان مش معايا رخصة فقولت يلا مواصلات
المهم روحت على رمسيس ركب ميكروباص موقف العاشر .... وركبت تمام ميه ميه ومشغل شريط حماقى (بالمناسبة شريط حماقى نزل)
ام هند (المهم)
قاعد كده ففى بنت جت عقدت جمبى .... عادى قولت يا واد طنش خالص
العربية اتحركت وابتدت الناس تدفع الفلوس
روحت مطلع من جيبى جنيه ونص وادتهولها اصلها كانت هيا الى بتلم
خبطت على كتفى عشان اقلع السماعه وقالتلى .......................... ؟؟؟!!!
الاجرة اتنين جنيه لو سمحت
!!!!!!!!!!!!!
طبعا ادلتها الاتنين جنيه
بسسسسسسسسسسسسسسسسسسسسس
حتى الميكروباص بئا بتنيين جنيه ؟؟؟ !!! انا كنت فاكر ان الاتوبيسات بس هيا الى باتنيين جنيه
ايه ده هو انا مبتاخرش عن الشغل بئالى قد ايه ؟؟؟ !!! ايه ده هو انا ملتزم ولا ايه ؟؟؟؟ !!!
ده من سنة او اقل كان بجنيه ونص لحق يزيد نص جنيه بحاله ؟؟؟
كنت فاكر زمان الحجة كانت تقول مصر ديه بجنيه تقدر تعيش فيها او حتى بنص جنيه .... طب ازاى ؟؟؟
بتجيب خمسة عيش بشلن ... وبربع جنيه كيس فول محترم وتاكل يا معلم
ولما الدنيا غليت شويه بئيت تجيب برده خمس عيش بشلن وبنص جنيه فول وخمس لبنات بشلن ... وده مش من بعيد ده من حوالى 7 سنيين كده
دلوقتى لما تجيب بجنيه فول تبئا حاسس انه هيخلص فى 3 لقمات
وكمان ممكن لو انت تهت ومعكش فلوس مثلا بتدور فى البنطلون بتاعك تلائى جنيه تركب بيه اى مواصلة وتروح
المشكلة انى كنت لسه مكلم فتحى عن الموضوع ده من اسبوعين تلاته كده
ومكنتش متخيل ان كله هيظيط فيها ويعمل المشوار باتنيين جنيه .... وده ليه ؟؟؟ هو البنزيين غلى ؟؟؟ هيا المسافة طولت ولا حاجة ؟؟؟ طب هو الميكروباص مشغل التكييف ؟؟؟
اه انا نسيت ده حصلت ثورة ومن سنة كده استغلها السواقيين وناس كتيير عشان يرفعوا اسعار الحاجة واحنا برده دفعنا ولا عملنا اى حاجة ولاحد اتكلم (سلبية يعنى)
هل مش من الاوان اننا نتحرك ضد الجشع والطمع ... اتمنى
ملحوظة : دلوقتى لازم على الاقل يكون معاك فى جيبك اتنيين جنيه عشان تعرف تروح بيتكم ده لو عاوز يعنى تروح
ركبت من موقف العاشر عشان اجى العاشر من رمضان
وانا ماشى كده قرب مدخل العاشر من رمضان فى 3 شباب ذى الورد
راكبيين دراجات وبلبس مخصص للعجل وخوذة تشوفهم تعرف على طول انه حاجة احترافيه مش هواه
يجى سواق الميكروباص عاوز يركن شمال هينزل حد تقريبا
يقوم يشتمهم ويقول ايه العبط ده انتم راكبيين عجل ما تيجوا كده شويه ... وهما بالفعل ماشيين جنب رصيف الشارع ورا بعض ومنظرهم يفرح
والى يغيظك ان واحد من الميكروباص ياكد على كلام السواق ويقول شوفوا العيال التافهة
لا معلش
اصبر يا عم انت وهو
ديه رياضة انت متعرفش كده ولا ايه .. انت مش عايش ولا ايه وكمان ليها تمثيل مهم فى العاب كتيرة فى الاولمبياد
لا اصبر الناس ديه ممكن يطلعوا ابطال (بره بيشجعوا الفاشل حتى ينجح واحنا هنا بنحبط الناجح حتى يفشل)
الناس ديه على الاقل رياضيين وانت ؟؟؟ ابص كده اه ده كرش وتقريبا مش غاسل وشه .... عادى برده
الناس ديه بتاخد اجازة جمعه وسبت وممكن تطلع تسافر وتمارس رياضة بتحبها ... عارف دول طالعيين اسماعلية بالعجل تعرف كده
ايه ده كل ده هيمشوه بالعجل !!!! ؟؟؟
ده مستغرب
معلش اصل العجل بالنسبة ليه كان بيركبوا فى العسد وهو صغير وبياخد بيه لفتيين ويرجع
نعم للرياضة ... نعم عاوز اعيش بنى ادم مش طور فى ساقية
ليست هناك تعليقات:
إرسال تعليق
اتمنى اشوف رئيك