انت اشتريت العتبة ؟؟؟ !!!
طبعا كلنا فاكريين اسماعيل ياسين لما اشترى العتبه (انت بيتقسها ليه هو انت هتشتريها ؟؟ ... ما انا اشترتها خلاص)
انا كمان اشتريت الرصيف والعتبه والكورنيش واى حته هتعجبنى
موقف حصل مع مسلمى وحصل معايا برده واكيد مع ناس كتير فينا
تكون خارج فى امان الله هتتفسح مثلا ... ومعكش فلوس اصلا بس حابب تقف على الكورنيش او هتنزل وسط البلد او عند اى محل تاكل فول وطعميه
تلائى حد جالك كده متعرفش منيين ويقولك 3 جنيه ركنه العربية ياباشا
يا عم انا اصلا مش باشا و 3 جنيه ليه هو انا واقف فين ؟؟؟ ياعم انا واقف قدام محل الفول بشترى فول وده شارع الحكومه
يوقلك لا اصل ده مكان اكل عيش وب3 جنيه الركنه هيا كده
او تكون هتقف على الكورنيش تلائى حد جالك برده يقولك فلوس الركنه ياباشا معلش ده مكان اكل عيش فلوس الركنه او معلش برده ده مكان اكل عيش
او تكون رايح اى مشوار وتركن العربية فى الشارع تلائى واحد نطلك متعرفش منيين ... تقريبا ده بيطلع من جوه الرصيف الى ماجره ويقولك الركنه ياباشا ...تقوله طب لما اخرج ... يقولك لا دلوقتى اصل انا ماشى !!!!
مهو رصيفه ماجره من الحكومه
طب والله ما نازل بالعربية
ناخد تكسى ظريف ننزل الكورنيش نتمشى ونرجع بتاكسى ظريف برده
تلاقى بتوع الحمص والحاجه الساقعه واخديين رصيف كوبرى الكورنيش وعاملينه قاعده ... طب والى عاوز يتمشى يعمل ايه يتمشى فين ؟؟؟؟
ده مفيش غير مطلع ومنزل الكوبرى هما الى مشترهوش عشان مش هيعرفوا يقفوا هناك
طب وماله نقف على مطلع الكوبرى ... تلائى واحد جالك مصمم تاخد ورد عشان المدام ...ياعم ديه اختى الصغيرة اصلا وبفسحها
برده هتاخد ورده ويفضل وراك لغاية ما تسيب مطلع الكوبرى الحته الوحيده الى رضيت بيها وهيا كمان مرضتش بيك
اه نسيت ما هما اشتروا الرصيف
اه نسيت مهو دول احفاد اسماعيل ياسيين
ياريتك يا اسماعيل ما اشتريت العتبه
ليست هناك تعليقات:
إرسال تعليق
اتمنى اشوف رئيك